narcinvasmatondker

  🙏🏼🕉️देव दामोदर🕉️🙏🏼 घडवितो देव दामोदर, माझा सवसार  घडवितो ।।               शरिर माझे राही घरी मनी  देऊळ  दावितो।। गुंफुनी माझ्या भक्ती माळा देवा चरणी मी अर्पितो।।          स्वामी माझा दामोदर मला नंदी बनवीतो ।। भक्त गण आगमनी मंदिरी माझी पायरी रचीतो ।। गुलाल झालो भक्तिचा मी मज पालखीला चढवीतो ।। संतुष्ट होण्या भक्तांवर         मला बेल घडवितो ।।  प्रसाद बनलो देवा तुझा मला भक्ताना चारतो ।। बसुनी माझ्या पाठीवर भक्ता संकटी पावतो ।। जाहलो अश्व देवा तुझा मज विश्व दर्शवीतो ।। आले अश्रु नेत्री भक्तिचे देव माझे दोळे पुशीतो।। दामोदर माझा  माय बाप मला भाकर चारतो ।।🙏   कवि : न. र. मातोंडकर(शिवदास)           मडगांव -गोवा.

 ✍️पांढरे सरडे✍️ जंगलं गेली, झाडे निजली हरित जीवनशैली रखडली..!! हवा-हवा झाले दिनचर-निशाचर भुकी सृष्टी अंतरली..!! निघताना प्राण देहातून सरडे पण व्याकुळतेने वळवळले..!! लक्ष वेधून परमेश्वराचे सरडे लाभार्थी प्राप्त झाले..!! प्राण ते सरड्याचे शरीर प्राप्ती सैरावैरा गावी-शहरी सुटले..!! फाटके कुंपण मनुष्य मनाचे बघता नकळत शरीरात घुसले..!! सांगू किती गुण सरड्याचे मनुष्य कर्मात मिसळले..!! बघता-बघता मनुष्याने पदोपदी  रंग बदलले..!! पांघरून पोशाख नेतागिरीचे समाज कल्याण पोखरले..!! आतून रंग बदलणारे सरडे शुभ्र वस्त्रात मी पाहिले..!! डोक्यावरील कलंक त्यांनी पांढऱ्या टोपीआड लपवीले..!! मनुष्य देही प्राण लपवून सरड्यानीच सुख भोगीले..!! कवी:नरसिंदास र. मातोंडकर        (शिवदास) स्थळ: मडगांव - गोवा. तारीख: १४/०८/२०२६